Diqqət edin! Bu çox vacib bir məsələdir!

Allah tövhidin üç qismini Quranda ilk surə olan Fatihə surəsinin əvvəlində zikr etmişdir:

1. "Həmd aləmlərin Rəbbi olan Allaha məxsusdur." – Bu, Rübubiyyət tövhididir.

2. "O, Rəhmandır, Rəhimdir, din (Qiyamət) gününün sahibidir." – Bu, İsim və sifətlər tövhididir.

3. "Yalnız Sənə ibadət edirik və yalnız Səndən yardım diləyirik." – Bu, Uluhiyyət tövhididir.

Alimlər buna əsasən demişlər ki:

"Tövhid üç qisimdir: Rübubiyyət tövhidi, Uluhiyyət tövhidi və İsim və sifətlər tövhidi."

Bu üç qisim Fatihə surəsinin əvvəlində zikr edilmişdir və eyni zamanda Quranda sonuncu surə olan Nas surəsində də zikr olunmuşdur:

1. "De: insanların Rəbbinə sığınıram!" – Bu, Rübubiyyət tövhididir.

2. "İnsanların Məlikinə!" – Bu, İsim və sifətlər tövhididir.

3. "İnsanların İlahına!" – Bu, Uluhiyyət tövhididir.

Hətta Allah bu üç qismi bir ayədə də zikr etmişdir. O ayə:

"O (Allah), göylərin, yerin və ikisi arasındakı şeylərin Rəbbidir. Ona ibadət et və Ona ibadət etmək üçün səbirli ol. Ona (Allaha) bir bənzər bilirsənmi?"

1. "(O, göylərin, yerin və ikisi arasındakı şeylərin Rəbbidir.)" – Bu, Rübubiyyət tövhididir.

2. "(Ona ibadət et.)" – Bu, Uluhiyyət tövhididir.

3. "(Ona (Allaha) bir bənzər bilirsənmi?)" – Bu, İsim və sifətlər tövhididir.

Məryəm, 65

Tövhidin üç qismə ayrılmasının batil bir bölgü olduğunu və bunun heç bir dəlilinin olmadığını iddia edənlər haradadırlar?
Onlar bu ayələrdən haradadırlar?!

Şeyx Saleh Fovzan