Namaz qılmayan qardaşla necə davranmalı

Fiqh
Namaz
29.10.2022

Namaz qılmayan qardaşla necə davranmalı | Şeyx Abdullah Buxari

Sual verən soruşur: “Mənim namaz qılmayan qardaşım var və artıq mən, atam və anam ona nəsihət etmişik. Bir müddət namaz qıldı, sonra isə yenə qılmadı, “namaz mənə heç nə etmir ” dedi. Çünki o, özünə iş tapa bilmədi. Onunla necə davranım?”

Cavab: Şeyx Abdullah Buxari (həfizahullah)

“Bu, bəla və imtahandır. Ona nəsihət et. Ona təkrar-təkrar nəsihət etməyə çalış. Bu birinci məsələdir. Həmçinin onun xəbəri olmadan gizlində onun üçün dua et ki, Allah onun köksünü haqqa açsın və onu haqq üzərində sabit etsin. Sonra əgər nəsihəti qəbul etməz və haqqa qayıtmazsa, buna bənzər şeylər edərsə, ondan uzaq ol. Uzaq olmaq vacibdir. Əgər sizin ölkədə Allahın şəriəti ilə hökm verilirsə, onun işinə baxması üçün şəri hakimə şikayət et. Üçüncü məsələ isə: O, məgər ticarət etmək istəyir?! Yəni istəyir ki, iş tapsın deyə namaz qılsın?! Kim deyib ki, namaz sənə iş gətirəcək və səni vəzifəyə çatdıracaq?! Bununla onun arasında heç bir əlaqə yoxdur. Əlaqəsi yoxdur, lakin “Kim Allahdan qorxarsa, Allah ona çıxış yolu göstərər və ona təsəvvürünə gətirmədiyi bir yerdən ruzi bəxş edər. (Talaq, 2-3)”. Səbir etsin. Allah sizə bərəkət versin, məlumdur ki, əksər məsələlərdə sınaqdan keçmək labüddür. “Yoxsa elə güman edirsiniz ki, Allah içərinizdən cihada çıxanları və səbir edənləri bəlli etmədən siz Cənnətə daxil olacaqsınız? (Ali-İmran, 143)”. Sınaqdan keçmək labüddür. Nə ona, nə də qeyrisinə icazəli deyil ki, Allaha olan ibadəti yerinə yetirməklə vəzifə və ya iş tapmağı bir-birinə bağlasın. O kimsə ki gəlir hizbilərdən olan ən xain insanlara əl açır və deyir: “Ey şeyx, sələfilər mənə köməklik etmirlər”. Sən sələfilərlə gəzirsən ki, sənə nəsə versinlər?! Yoxsa, sən sələfilərlə gəzirsən ki, onlarla sünni sələfi əqidəsini etiqad edərək Allaha ibadət etmiş olasan?! Sən bu əqidə ilə ticarət edirsən?! Yoxsa, sünni mənhəci ilə ticarət edirsən?! Allah onların gizlətdiklərini bilir. Necə ki Herakl Əbu Sufyandan “Ona, yəni peyğəmbərə (sallallahu aleyhi və səlləm) tabe olanlar kimlərdir? İnsanların kasıbları, yoxsa varlıları?” deyə soruşmuşdu. Əbu Sufyan isə “insanların kasıbları” deyə cavab verdi. Herakl dedi: “Eləcə də, bütün peyğəmbərlərə tabe olanlar belə olub”. Yaxşı, bəs nə edək? Lakin ehtiyac yoxdur ki, sən şiddətli ehtiyac içində qardaşını tərk edəsən. Kimin üçün asanlaşıbsa və imkanı varsa, bütün ehtiyac içində olan əhli sünnə qardaşlarına kömək edə bilirsə, qoy etsin. Allah onu xeyirlə mükafatlandırsın. Bu, yaxşı işlərdə və Allahdan qorxmaqda köməkləşməyə və qardaşlarını pis olan şeylərdən çəkindirməyə aiddir. Lakin etməzsə, sən ən xain insanların yanına getməlisən?! Get, odun bağını götür və odun topla! Bu, sənin üçün insanlardan sənə nəsə verib verməməklərini istəməyindən daha xeyirlidir”.

Youtube linki.

Hazırladı: Samiq Mustafayev.