Oruc tutmamağın cəzası

Rasulullah ﷺ belə buyurmuşdur:

–Mən yuxuda ikən iki kişi yanıma gəldi və çiyinlərimdən tutub məni çıxmaq mümkün olmayan dağa apardılar və “Çıx!”- dedilər.

–“Mənim buna gücüm çatmaz”- dedim.

–“Biz bunu sənin üçün asanlaşdırarıq”- dedilər.

–Sonra mən çıxdım. Dağın ortasına gəldikdə birdən şiddətli səslər eşitdim: “Bu nə səslərdir?”- dedim.

–“Bu, cəhənnəm əhlinin səsidir (ulaşmasıdır)”- dedilər.

–Sonra məni apardılar. Bir də ayaqlarından asılmış, ağızları cırılmış halda, ağızlarından qanları axan bir camaat gördüm: “Bunlar kimdir?”- dedim.

–“İftar vaxtından əvvəl oruclarını açanlardır"- dedilər.

Səhih tərğib, 1005

Şeyx Albani (rahiməhullah) belə demişdir:

Bu cəza oruc tutub sonra iftar vaxtı daxil olmadan öncə bilərək orucunu açanlar haqqındadır. Bəs heç tutmayanların halı necə olsun?!

Allahdan dünya və axirətdə afiyət və salamatlıq istəyirik.

Silsilə Sahihə, 3951