Oruc ayəsi haqqında
- 208
Əsr namazı haqqında
Bismilləh
Əsr (İkindi) namazı beş vaxt fərz namazların üçüncüsüdür. Dörd rükətdir.
Bu namaz Quranda orta namaz da adlandırılıb.
Uca Allah belə buyurur:
- حَافِظُوا عَلَى الصَّلَوَاتِ وَالصَّلَاةِ الْوُسْطَىٰ وَقُومُوا لِلَّهِ قَانِتِينَ
“(Fərz, vacib) namazlara, (xüsusilə) orta namaza (günortadan
sonrakı əsr namazına, ikindi namazına) riayət (əməl) edin” (Bəqərə, 238).
Orta namaz əsr (ikindi) namazıdır. Bu barədə səhih hədis də varid olmuşdur. Bu ayədə ümümən bütün
namazları xüsusən də Əsr (ikindi) namazına riayət etmək gəlmişdir.
•Əsr (ikindi) namazının vaxtı
Əsr (ikindi) namazının vaxtı Zöhr namazının vaxtı bitəndə daxil olur. Yəni əşyanın
kölgəsinin özü boyda olduğu vaxt. Bu, əksər alimlərin görüşüdür.
•Əsr (İkindi) namazının fəziləti haqqında hədislər
Allah Elçisi ﷺ belə buyurmuşdur:
Kim fəcr (sübh) və əsr namazını qılarsa, cənnətə girər.
Buxari və Muslim rəvayət etmişlər.
Şeyx İbn Useymin (Allah ona rəhm etsin) bu hədisin izahı barədə
belə demişdir:
Bu iki namazı qorumaq və vaxtında qılmaq, cənnətə girməyin səbəblərindəndir.
Şərh Riyadus Salihin, 2/188
Başqa bir hədisdə Allah Elçisi ﷺ
belə buyurmuşdur:
Bu namaz sizdən öncəki ümmətlərə də verilmişdi, onlar bu
namazı zay etdilər (vaxtında qılmağa riayət etmədiər). Kim bu namaza riayət edərsə,
ona ikiqat əcr (savab) var.
Muslim, 830
Yəni: Bir əcr (savab) digər namazlar kimi vaxtında qılmağa
riayət etdiyinə görə, bir əcr (savab) da öncəki ümmətlərə müxalif olaraq riayət
etdiyinə görə
•Əsr namazına riayət etməməyin təhlükəsi
Allah Elçisi ﷺ belə buyurmuşdur:
Kim Əsr (İkindi) namazını tərk edərsə (vaxtında qılmazsa), onun
əməli puça çıxar.
Buxari, 553
Bəzi alimlər bu hədisdə həmin insanın əsr namazını tərk
etdiyi günü əməlinin puç olacağını demişlər.
Başqa hədisdə Allah Elçisi
ﷺ belə buyurmuşdur:
Əsr (İkindi) namazını qaçıran (vaxtında qılmayan) kimsə,
sanki ailəsini və malını itirmiş kimidir.
Buxari və Muslim rəvayət etmişlər
Böyük alim İbn Teymiyyə (Allah ona rəhm etsin) belə
demişdir:
Əsr namazının vaxtını keçirmək digərlərinin vaxtını keçirməkdən
daha betərdir. Çünki orta namazı (əsr namazını) qorumaq və vaxtında qılmaq barədə
xüsusi əmr gəlmişdir. Bu namaz bizdən əvvəlkilərə də vacib edilmişdi və onlar
onu zay etmişdilər.
Məcmul Fətava, 22/54.
Sonda həmd olsun aləmlərin Rəbbi olan Allaha
