Boynunda oruc ölənin halı
- 303
İbn Qeyyim kimdir?
İbn Qeyyim
Mərhəmətli və Rəhmli Allahın adı ilə
O, Muhəmməd İbn Əbi Bəkr Diməşqi Əl-Covziyyə. Kunyəsi Əbu
Əbdullah, ləqəbi isə Şəmsuddin idi. İbn
Qeyyim hicri 691-ci ildə (miladi ilə 1292) Dəməşqdə anadan olmuş. Atası Əbu Bəkr
Covziyyə mədrəsəsinin qəyyumu (ehtiyaclı yetim uşaqların himayəçisi) idi. Elə
buna görə də ibn Qeyyim (qəyyumun oğlu) adı ilə məhşurlaşmışdır. İlk dini təhsilini
uşaq yaşlarında atasından almağa başlamış, ardınca Dəməşqdə Əl-Covziyyə mədrəsəsində
Hənbəli fiqhini öyrənmişdir.
Müəllimləri:
Atası Əbu Bəkr
Safiyuddin Hindi
Hafiz Mizzi
Hafiz Zəhəbi
İbn Muflih
Şeyxulislam İbn Teymiyyə - onunla 17 il yəni Şeyxulislam vəfat
edənə kimi birlikdə olmuşlar.
Tələbələri:
Məcduddin Firuzabadi
Hafiz İbn Rəcəb Əl-Hənbəli
Hafiz İbn Kəsir
İbn AbdulHədi
Kitabları:
Favaid
Bədəiul Fəvaid
Zadul Məad
İğasətul Ləhfən
Mədəricus Səlikin
Uddətus Sabirin
Əmsəlul Quran
Kəbəir
Əl-Vəbilus Sayyib və.s
İbn Qeyyim hicri tarixlə 751-ci (miladi tarixlə 1350) ildə Dəməşqdə
vəfat etmişdir.
BƏDƏİUL FƏVAİD KİTABINDAN FAYDALAR
Şükür - nemətin yox olmasına səbəb olan hər şeydən
qoruyandır.
Bədəiul Fəvaid, 2/243
Əgər Qədr gecəsi ildə bir gecə olsaydı, o gecəyə yetişmək
üçün bütün ili ibadətə qalxardım. Elə isə on gecəni necə?! (ibadətə qalxmayım).
Bədəiul Fəvaid, 1/55
Allahı çox zikr etmək, şeytandan qorunmağın ən faydalı
yoludur.
Bədəiul Fəvaid, 2/228
Uca Allah ﷻ belə buyurur:
{
وَعَلَى ٱلثَّلَـٰثَةِ ٱلَّذِینَ خُلِّفُوا۟
حَتَّىٰۤ إِذَا ضَاقَتۡ عَلَیۡهِمُ ٱلۡأَرۡضُ بِمَا رَحُبَتۡ وَضَاقَتۡ عَلَیۡهِمۡ
أَنفُسُهُمۡ وَظَنُّوۤا۟ أَن لَّا مَلۡجَأَ مِنَ ٱللَّهِ إِلَّاۤ إِلَیۡهِ ثُمَّ
تَابَ عَلَیۡهِمۡ لِیَتُوبُوۤا۟ۚ إِنَّ ٱللَّهَ هُوَ ٱلتَّوَّابُ ٱلرَّحِیمُ
}
Təbuk döyüşündən geri qalmış üç nəfəri də bağışladı. Hətta
yer üzü öz genişliyinə baxmayaraq onlara dar gəlmiş, ürəkləri kədərdən sıxılmış
və yəqin bilmişdilər ki, Allahın əzabından, Onun Özünə sığınmaqdan başqa çarə
yoxdur. Sonra Allah, peşman olsunlar deyə onların tövbəsini qəbul etdi. Həqiqətən,
Allah tövbələri qəbul edəndir, rəhmlidir. (Tövbə, 118)
Üç nəfər bir döyüşdə Peyğəmbərə müxalif oldular və başlarına
nələr gəldi. Bəs bütün ömrünü Peyğəmbərə müxalif olmaqla keçirənin halı necə
olsun?
Bədəiul Fəvaid, 3/1207
Qəlbi Allahdan qeyrisi ilə dolu olduğu halda qulun dili ilə
"Allahu Əkbər" deməsi onun üçün çox çirkin bir şeydir.
Bədəiul Fəvaid, 2/196
Nə üçün Aşura gününün orucu bir illik günahlara, Ərafa
gününün orucu isə iki illik günahlara kəffarə olur?!
İmam İbn Qeyyim rahiməhullah belə demişdir:
Birinci: Ərafa günü haram aydadır, Aşura günündən fərqli
olaraq özündən öncəki və sonrakı ay da haram aydır.
İkinci: Ərafa gününün orucu Aşura gününün orucundan fərqli
olaraq bizim şəriətə xas olan bir şeydir. Bu da Muhəmmədin ﷺ bərəkətinin daha çox olması ilə əlaqəlidir.
Bədəiul Fəvaid, 4/211
Evlənməyin xeyirlərindən biri də sənin belinden Allaha ibadət
edən zürriyyətin çıxmasıdır.
Bədiul Fəvaid, 3/159
Qəlbinə diqqət et..
Nəfsi istəklərin sənə qalib gəldikdə isə qəlbin Sahibindən
(Allahdan) kömək istə...
Bədəiul Fəvaid, 3/233.
Sədəqənin bəlanı, gözdəyməni və həsəd edənin şərrini dəf etməkdə
çox qəribə təsiri var.
Bədəiul Fəvaid, 2/243
Dünya və Şeytan sənə xaricdən olan düşmənlərdir. Nəfs isə sənin
yanındakı düşməndir.
Bədəiul Fəvaid 3/266
TÖVHİD - Allahın ən əzəmətli qalasıdır ki, kim ona daxil
olarsa, əminlərdən olar.
Bədəiul Fəvaid 2/470
Qulun qoruyan (İxlas, Fələq və Nəs) surələrə olan ehtiyacı,
onun yeməyə, içməyə və geyimə olan ehtiyacından daha çoxdur.
Bədəiul Fəvaid, 2/426
Sonda həmd olsun aləmlərin Rəbbi olan Allaha
