Qadınlarınızla xoş rəftar edin.

QADINLARINIZLA XOŞ RƏFTAR EDİN

Uca Allah buyurur:

وَعَاشِرُوهُنَّ بِالْمَعْرُوفِ

Onlarla (qadınlarla) xoş rəftar edin. (Nisa, 19)

Hafiz ibn Kəsir (rahiməhullah) bu ayə haqqında belə demişdir:

Onlarla (qadınlarla) gözəl danışın, feil (əməl) və davranışlarınızı gücünüz çatdığı qədər gözəlləşdirin. Qadının sənə necə davranmağını istəyirsənsə, sən də onunla eləcə davran. Uca Allah buyurur:

وَلَهُنَّ مِثْلُ الَّذِي عَلَيْهِنَّ بِالْمَعْرُوفِ

Kişilərin qadınlar üzərində şəriətə müvafiq haqları olduğu kimi onların da kişilər üzərində haqları vardır. (Bəqərə, 228)

Peyğəmbər ﷺ belə buyurmuşdur:

Sizin ən xeyirliniz əhlinə (ailəsinə) ən xeyirli olanınızdır. Mən əhlimə (ailəmə) ən xeyirli olanınızam

Tirmizi, 3830; İbn Macə, 1967; Albani "Sahihul Cami", 3314.

"Təfsirul Quranil Azim", 1/576.

Şeyx Abdullah Buxari (hafizahullah) belə deyir:

Raşidi xəlifə Osman İbn Affan (Allah ondan razı olsun) Bədr döyüşündə niyə iştirak edə bilməmişdi? Çünki onun zövcəsi - Peyğəmbərin ﷺ qızı Ruqayyə xəstələnmişdi, o da onun yanında qalaraq ona baxmış və qayğısına qalmışdır. Peyğəmbər ﷺ ona (Osmana) belə demişdir:

Sənə Bədrdə iştirak edən kişinin savabı və onun qənimətindən də pay var. (Buxari, 3130)

Kişilik belə olmağı gərəkdirir, mərdlik belə olmağı gərəkdirir və gözəl davranış da belə olmağı gərəkdirir. Amma ənaniyyətli olmağın və yalnız özünə və öz ehtiyaclarını baxmağın, təəssüf olsun ki, bu, ailə idarə edə bilməməyini göstərir.

Birinci Ramazan görüşü, 8 Ramazan 1439

Hazırladı: Samiq Mustafayev.